O Servizo de Prevención de Drogodependencias dos Concellos de Begonte, Outeiro de Rei e Rábade en colaboración coas Traballadoras Sociais dos mesmos concellos presenta o II Curso de Alfabetización Básica para Persoas Adultas, destinado a todas aquelas persoas que desexen recibir unha formación básica adecuada ás súas necesidades, permitíndolles así potenciar o desenvolvemento das súas habilidades para a vida diaria. O II Curso de Alfabetización Básica para Persoas Adultas comezará o próximo 1 de outubro no Centro Social de Rábade en horario de 11:00 a 12:30 horas da mañá, prolongándose ata xaneiro de 2010. Para participar neste curso gratuíto, será preciso dirixir á solicitude de inscrición (nome, apelidos, data de nacemento, D.N.I, teléfono e dirección habitual) ás Traballadoras Sociais ou ó Servizo de Prevención de Drogodependencias de cada un dos concellos promotores da iniciativa.
