O concello de Begonte convoca o V Concurso Infantil de Debuxo e Conto Navideño co obxecto de elixir aqueles debuxos e contos cuxo tema esté relacionado co Nadal ou que sexa representativo das datas navideñas.
A continuación detállanse as bases polas que se regula o concurso
BASES
1. PARTICIPANTES
Poderá participar calquera neno/a interesado/a dos seguintes niveis educativos:
- educación infantil
- educación primaria
- ensinanza secundaria obligatoria
2. REQUISITOS
Debuxo Navideño. Cada concursante presentará un único traballo con técnica libre, en formato DIN-A4, sobre folio ou cartulina, e admitiranse tódalas técnicas gráficas (lápiz, ceras, témperas, acuarelas, rotuladores, etc.).
Conto Navideño. Cada concursante presentará un único traballo cunha extensión máxima de 3 folios por unha cara e mínima de 1 folio.
O/A participante indicará no reverso do traballo o nome e idade do/a autor/a, o curso e o centro ao que pertence.
Deberán ser obras orixinais e non haber sido presentadas a ningún outro concurso con anterioridade.
3. CATEGORÍAS
Establécense 4 categorías:
A- De 3 a 6 anos
B- De 7 a 10 anos
C- De 11 a 14 anos
D- De 15 a 18 anos
4. PRESENTACIÓN DOS TRABALLOS
Os traballos serán entregados no propio centro do/a alumno/a con anterioridade ao 23 de decembro de 2011, ou nas oficinas do Concello de Begonte.
5. COMISIÓN DE VALORACIÓN:
A Comisión encargada de valorar e decidir sobre os traballos premiados estará constituída por un/unha representante de cada un dos grupos políticos da corporación municipal, un/unha representante do CEIP de Begonte e un/unha representante do CEIP de Baamonde; asimesmo, poderán contar cun asesor especialista en cada unha das materias a avaliar.
6. CRITERIOS DE VALORACIÓN DA COMISIÓN
A Comisión á hora de valorar terá en conta os seguintes criterios
• Orixinalidade da idea
• Adaptación da técnica á idade do autor
• Calidade técnica do traballo
7. FALLO DA COMISIÓN.
A Comisión, constituída ao efecto, elexirá tres traballos por cada categoría para Primeiro Premio, Segundo Premio e Terceiro Premio.
O fallo da Comisión será inapelable, farase público e notificarase aos gañadores.
8. PREMIOS
Os premios consistirán en vales canxeables por material didáctico valorado nos seguintes importes:
Categoría 1º Premio 2º Premio 3º Premio
De 3 a 6 anos 60 40 30
De 7 a 10 anos 60 40 30
De 11 a 14 anos 60 40 30
De 15 a 18 anos 90 60 50
O acto de entrega dos premios terá lugar na Casa de Cultura de Begonte, onde tamén se expoñerán os traballos presentados.
9. ACEPTACIÓN DAS BASES
A participación nesta convocatoria supón a aceptación das presentes bases, que poderán ser interpretadas pola Comisión avaliadora naqueles aspectos non previstos nas mesmas.
10. CESIÓN DE DEREITOS DE AUTOR
O concello de Begonte adquire os dereitos de reprodución, explotación e exposición das obras que se presentan. Non obstante, comprométese a devolver os traballos non premiados a petición do interesado.
Os traballos poderán ser retirados no concello a partir do 1 de febreiro de 2012.
