Skip to Content

Novas

  • Curso de manipulador de alimentos

    O Concello de Begonte organiza un curso de Manipulador de Alimentos, para a obtención do correspondente Certificado de manipulador/a de alimentos ou a súa renovación.
    Está dirixido a tódalas persoas que, pola súa actividade laboral, interveñan nalgunha das fases polas que pasa o alimento desde que se recibe ata o servizo ó consumidor: preparación, fabricación, transformación, elaboración, envasado, transporte, distribución, manipulación, venda, subministro e servizo.
    O Curso é totalmente gratuito, estando condicionada a súa celebración a que participe un mínimo de 15 persoas.
    Os interesados deberán inscribirse nas oficinas do Concello de Begonte, antes do próximo 19 de xaneiro, presentando o D.N.I. e unha fotografía tamaño carnet.
    O curso vai ser impartido por Sanea (Seguridade alimentaria sanidade ambiental), entidade autorizada pola Dirección Xeral de Saúde Pública.
    Maior información pode recabarse nas oficinas do Concello de Begonte, Tfno. 982.396143.

  • Cabalgata de Reis en Begonte

    As SS.MM. os Reis Magos de Oriente chegaron a Begonte, na tarde do cinco de xaneiro de 2006, sendo recibidos polas primeiras autoridades municipais.
    Os Reis Magos, como xa é tradicional, desfilaron polo centro de Begonte sobre carros tirados por parellas de vacas do país, como un xeito de rescate dos valores autóctonos e o seu achegamento ós rapaces begontinos.
    Na recepción oficial diante da Casa do Concello, o Alcalde de Begonte, José Pena Rábade, agradeceu a visita das SS.MM. sinalando o contraste entre a tradición (desfile en carros do país), e a modernidade de Begonte como centro de comunicacións e núcleo receptor de empresas, e o futuro representado polos centos de nenas e nenos asistentes á recepción.
    Sinalou Pena Rábade que posiblemente era a última vez que recibía ás SS.MM. como primeira autoridade municipal, polo que agradecía a axuda recibida estes anos, cun agradecemento especial ós begontinos, pola súa confianza e apoio de tantos anos, agardando deles a amizade de sempre cando deixe as súas responsabilidades ó frente do concello.
    Rematou pedindo ós Reis Magos que sigan tendo presente a Begonte no seu traballo, e axuden ó futuro alcalde atendendo no posible as súas peticións, que estarán encamiñadas ó progreso desta terra e das súas xentes, e a despertar a ledicia e ilusión dos begontinos máis novos.

  • 6 empresarios urbanizarán 225.000 m2 no Parque empresarial de Begonte - O novo parque resultante triplicará a superficie actual

    Seis empresarios van acometer o desenvolvemento de 225.000 metros cadrados do Parque empresarial municipal de Begonte, triplicando a actual superficie dedicada á instalación de empresas.
    Estes seis empresarios afrontarán o correspondente Plan de Sectorización, que comprende o proxecto de urbanización e as mesmas obras para urbanizar esta superficie, que suporán que os actuais 106.000 metros cadrados do parque begontino pasen a ser 331.000 de superficie industrial.
    O primeiro paso de ampliación deste Parque efectuouna o Concello de Begonte ó recalificar como sólo industrial o que era sólo rústico. A segunda e definitiva fase vai ser afrontada por este grupo de empresarios que posúen arredor do sesenta por cento da superficie afectada, superando o 51% esixido pola Lei para poder acometer a urbanización e logo proceder á adquisición, de acordo cos mecanismos legalmente previstos, dos terreos que aínda non sexan da súa propiedade.

  • La Xunta comprará en el 2007 suelo para el gran polígono de Baamonde

    Su millón de metros cuadrados se potencia por su cercanía al enlace de la A-6 y la A-8.

    La Consellería de Vivenda destina 3,6 millones a proyectos y adquisición de terrenos.

    La Voz de Galicia, 16-11-2006
    (Xosé María Palacios. Vilalba).