O pasado sábado, pechouse en Begonte a XL campaña de O NADAL, organizada polo centro cultural José Domínguez Guizán, entidade promotora do Belén Electrónico begontino.
O punto máis relevante desta campaña é a apertura do Belén Electrónico de Begonte que cada Nadal, desde 1972, consegue que arredor de 40.000 persoas acudan a Begonte para contemplar esta fermosura electrónica onde se reflicten escenas da vida tradicional da Chaira, os traballos do campo, o paso dos Reis Magos, os elementos climatolóxicos... todo co fin de facer cada ano realidade o nome que se lle ven dando a este concello, onde en lugar de falar do "Belén de Begonte" xa se fala de "Begonte do Belén".
Inauguración
A inauguración, co pregón do Presidente da Xunta de Galicia, leido pola Delegada territorial da Xunta en Lugo, na que delegou este cometido por compromisos do seu cargo, abría esta XL edición como vinte anos antes a abría o que pronunciaba o entón Presidente de Galicia, Manuel Fraga Iribarne. Con este motivo, ofreceu un recital de cancións do Nadal o Orfeón Lucense, coro titular da Catedral de Lugo, dirixido polo seu titular adxunto, Marcos Fernández Mosquera.
