𝐔𝐒𝐎 𝐑𝐀𝐂𝐈𝐎𝐍𝐀𝐋 𝐄 𝐑𝐄𝐒𝐏𝐎𝐍𝐒𝐀𝐁𝐋𝐄 𝐃𝐀 𝐀𝐔𝐆𝐀 💧

Ante o incremento extraordinario do consumo de auga da rede municipal, que na actualidade 𝐝𝐮𝐩𝐥𝐢𝐜𝐚 o consumo habitual, e coa finalidade de 𝐠𝐚𝐫𝐚𝐧𝐭𝐢𝐫 𝐨 𝐚𝐛𝐚𝐬𝐭𝐞𝐜𝐞𝐦𝐞𝐧𝐭𝐨 𝐝𝐞 𝐚𝐮𝐠𝐚 𝐩𝐨𝐭𝐚𝐛𝐥𝐞 a toda a veciñanza, faise un chamamento á 𝐫𝐞𝐬𝐩𝐨𝐧𝐬𝐚𝐛𝐢𝐥𝐢𝐝𝐚𝐝𝐞 de todos os veciños e veciñas do Concello de Begonte para que realicen un 𝐮𝐬𝐨 𝐫𝐚𝐜𝐢𝐨𝐧𝐚𝐥, 𝐫𝐞𝐬𝐩𝐨𝐧𝐬𝐚𝐛𝐥𝐞 𝐞 𝐬𝐨𝐥𝐢𝐝𝐚𝐫𝐢𝐨 deste recurso esencial.

Lémbrase que a auga da rede municipal está destinada prioritariamente ao uso doméstico 🏡, entendéndose por tal o consumo humano 👩‍🦰, a hixiene persoal 🚿, a preparación de alimentos 🥬 e as necesidades básicas do fogar.

En consecuencia, queda terminantemente prohibido 🚫 utilizar a auga da traída municipal para o rego de hortas 🍅, xardíns 🌻 ou fincas 🌳, o enchido de piscinas 🏊‍♀️, o lavado de vehículos 🚗 ou calquera outro uso non esencial que poida comprometer o abastecemento xeral.

O Concello intensificará a vixilancia 👮 do uso da rede de abastecemento e, no caso de detectarse consumos indebidos ou entronques ilegales procederase á adopción das medidas previstas na normativa vixente e nas ordenanzas municipais, podendo iniciarse os correspondentes expedientes sancionadores e, se fose necesario, adoptarse as medidas permitidas legalmente para garantir o abastecemento.

⚠️ De non reducirse o consumo nos próximos días, o Concello verase na obriga de adoptar novas medidas de carácter xeral, incluídas restricións temporais no abastecemento, co único obxectivo de garantir que ningún fogar quede sen un servizo tan esencial como é a auga potable.

A auga 💦 é un ben común, limitado e imprescindible. O seu uso responsable é una obriga colectiva e un acto de respecto cara ao conxunto da veciñanza. 🤝

Coa colaboración de todos e todas evitaremos restricións maiores.

Fagamos un uso responsable da auga! 🙏